Би Монголд төрсөн Монгол хүү

Тэртээ боловч зүрхэнд ойрхон нутаг минь

Тэнгэрлэг ардынхаа сэтгэлийг даллах тэс мөрөн

Тагнын уулсаар түшиг хийсэн тал минь

Таван гол нь эмжин урсах тэс бахархал минь

Долоон харын удамт хөвгүүдийн өсөж бойжсон газар

Дөлгөөн Увс нуурын давалгаа илбэсэн шороо

Шандаст хурдан хүлгүүдийн туурайн тамгатай хөдөө минь

Шаргалтан алтрах Бөөрөг дэлийн элс тайтгарал минь

Нутаг маань миний омогшил бас бардамнал

Нуур маань миний тайвширал бас дуулал

Хөдөө тал маань миний дурсамж бас дурьдатгал

Хөндийд нь орших Нарийн онгод бадраах диваажин минь

Би энэ л нутагт төрсөн хөвгүүн нь

Бийр цаас нийлүүлж нутгаа магтах шүлэгч нь

Бал маань дуусхад сэтгэлдээ тэрлэх найрагч нь

Бахархалт энэ нутгаа үргэлж мөнхөд дуулнам би